मोरङको रतुवामाईमा १२ करोडको लगानिमा कृषी फर्म - Sainokhabar
  • सोमबार, साउन ११, २०७८

मोरङको रतुवामाईमा १२ करोडको लगानिमा कृषी फर्म

साइनो समाचारदाता
पथरी/ लमो समय बैदेशीक रोजगारमा रहेका ४ युवाको सकृयतामा कृषी र्फम संचालनमा आएको छ । मोरङको रतुवामाई नगरपालिका वडा नं. ८ झुनाबारीमा संचालनमा आएको दुर्गादेवि मल्टि प्रपोज एग्रो फर्म प्रा. लि.ले ७ करोड २५ लाख लगानिमा र्फम निमार्ण गरि रहेको छ ।

सैलेन्द्र कार्की, सुमन कार्की, टेक बाहादुर कार्की र राजेन्द्र बुढाथोकीको कुल १२ करोडको लगानिमा बोयर जातका खसी बाख्रा, बंगुर, सुँगुर बँदेल, कालिज, पाडापाडि, माछा फर्म संगै उन्नत जातको घास उत्पादन गर्ने भएको छ । साढे ९ बिघा क्षेत्र फलमा संचालनमा आएको दुर्गादेवि मल्टि प्रपोज एग्रो फर्म प्रा. लि.ले ह्याचरी सहितको बच्चा उत्पादन गर्ने संचालक सैलेन्द्र कार्कीले बताए ।

मोरङको रतुवामाई नगरपालिका वडा नं. ८ झुनाबारीमा ७ करोड २५ लाख लगानिमा निमर्ण भएको दुर्गादेवि फर्ममा ३ ओटा सुँगुर, बंगुर र बदेलका खोर, २ वटा माछा पोखरी र ३ ओटा सामान स्टोरका लागि गोदाम निमार्ण गरि सकेको संचालक टेक बहादुर कार्की बताउछन ।

फर्ममा लगानि कर्ताबाहेक ३० जनाले रोजगार पाउने छन भने आन्तरी पर्यटक र ब्यापारीलाई सुविधाका लागि फर्म संगै रिसोट पनि संचालनमा आउने छ । बार्षीक १ करोड ५० लाख आम्दानी हुने लक्ष रहेको संचालकले बताए ।

 

सम्बन्धित खवर