कारको ठक्करबाट पाटेबाघको मृत्यु - Sainokhabar
  • आइतबार, बैशाख ०५, २०७८

कारको ठक्करबाट पाटेबाघको मृत्यु

साइनो समाचारदाता
काठमाडौं । बाराको जितपुर सिमरा उपमहानगरपालिका–१ आधारभार जंगल क्षेत्रमा निजी कारको ठक्करबाट एउटा पाटे बाघको मृत्यु भएको छ । बाटो क्रस गर्दै गरेको वयस्क बाघलाई हेटौंडाबाट सर्लाही जाँदै गरेको बा १६ च ८११ नम्बरको कारले आज बिहान ७ः२० मा ठक्कर दिएको थियो । कारको ठक्करबाट १० वर्षको पूर्ण वयस्क पाटे बाघको राजमार्गमै मृत्यु भएको बारा प्रहरीले जनाएको छ ।

कार चालक सर्लाहीका ५० वर्षीय अजय मिश्र र बाघलाई प्रहरीले राष्ट्रिय निकुञ्जको जिम्मा लगाएको छ । सहायक संरक्षण अधिकृत रमेश कुमार यादवका अनुसार मिश्रलाई हिरासतमा लिएर आवश्यक कारबाही अगाडि बढाइएको छ । पाटेबाघ नेपालको संरक्षित वन्यजन्तुमध्ये एक हो ।

सम्बन्धित खवर