सामाजिक सञ्जालमार्फत ठगी गरेको आरोपमा दुई पक्राउ - Sainokhabar
  • मङ्गलबार, फागुन १८, २०७७

सामाजिक सञ्जालमार्फत ठगी गरेको आरोपमा दुई पक्राउ

साइनो समाचारदाता
काठमाडौं । सामाजिक सञ्जाल इन्स्टाग्राम र वाट्सएप मार्फत साथी बनाएर १३ लाख ३९ हजार रुपैयाँ ठगी गरेको आरोपमा २ जनालाई प्रहरीले पक्राउ गरेको छ । पक्राउ पर्नेहरूमा रुपन्देही मर्चवारी गाँउपालिका(४ बस्ने २९ वर्षीय धर्मेन्द्र उपाध्याय र सोही ठाउँ बस्ने ४५ वर्षीय अनन्तकुमार उपाध्याय रहेका छन् ।

उनीहरूले इन्स्टाग्राम र वाट्सएपमा फेक आइडी मार्फत सम्पर्क गरी आफूलाई नेदरल्याण्डको नागरिक र केमिकल इन्जिनियर हुँ भन्दै आईफोन ११ मोबाइल, ल्यापटप र गोल्ड लगायत बहुमूल्य सामान उपहार पठाउने प्रलोभन देखाएर ठगी गरेको पाइएको प्रहरीले जनाएको छ । अनुसन्धानको क्रममा उक्त उपहार पठाउनका लागि भन्सार बापत रकम तिर्नुपर्ने भन्दै पीडितलाई विभिन्न बैंकहरूको खाता नम्बरमा पटक(पटक गरी उक्त रकम जम्मा गर्न लगाएर ठगी गरेको पाइएको प्रहरीले जनाएको छ ।

महानगरीय अपराध महाशाखाबाट खटिएको प्रहरी टोलीले जिल्ला प्रहरी कार्यालय रुपन्देहीको सहयोगमा रुपन्देहीमा लुकीछिपी बसेको अवस्थामा उनीहरुलाई बुधबार पक्राउ गरेको हो । उनीहरूलाई ठगी मुद्धामा आवश्यक कारबाहीको लागि महानगरीय प्रहरी परिसर काठमाडौं पठाइएको उक्त महाशाखाले जनाएको छ ।

सम्बन्धित खवर