आज कांग्रेसले देशभर विरोध प्रदर्शन गर्दै - Sainokhabar
  • आइतबार, असोज १०, २०७८

आज कांग्रेसले देशभर विरोध प्रदर्शन गर्दै

साइनो समाचारदाता
काठमाडौं । संसद विघटनको विरोधमा आज प्रमुख प्रतिपक्षी दल नेपाली कांग्रेसले देशभर प्रदर्शन गर्दैछ । कांग्रेसले १६५ वटै निर्वाचन क्षेत्रमा विरोध प्रदर्शन गर्न लागेको हो । विरोध प्रदर्शनसहितको सभालाई सम्बन्धित निर्वाचन क्षेत्रका नेताहरुले सम्बोधन गर्ने नेपाली कांग्रेसले जनाएको छ ।

कांग्रेस सभापति शेरबहादुर देउवा भने आफ्नो निर्वाचन क्षेत्रमा जाने छैनन् । कार्यव्यस्तताको कारण देउवाले भक्तपुरको विरोध सभालाई सम्बोधन गर्ने नेपाली कांग्रेसका मुख्य सचिव कृष्णप्रसाद पौडेलले जानकारी दिए । यसैगरी कांग्रेस वरिष्ठ नेता रामचन्द्र पौडेलले दमौलीमा सम्बोधन गर्ने कार्यक्रम छ ।

कांग्रेसले कार्यकर्ताहरुलाई ब्यानर, प्लेकार्ड एवम् प्रदर्शन र सभामा निर्धारित नाराहरुमात्र प्रयोग गर्न परिपत्र गरेको छ । नेपाली कांग्रेसले संसद विघटनलाई असंवैधानिक र अलोकतान्त्रिक भनेको छ ।

सम्बन्धित खवर