वडा नं १० को स्वास्थ्य केन्द्र उद्घाटन् - Sainokhabar
  • आइतबार, बैशाख ०५, २०७८

वडा नं १० को स्वास्थ्य केन्द्र उद्घाटन्

साइनो समाचारदाता
पथरी । मोरङको पथरी शनिश्चरे १० मा आज आधारभूत स्वास्थ्य सेवा केन्द्र उद्घाटन भएको छ । नगर उपप्रमुख यमुना विष्ट वास्तोला र नगरका प्रमुख प्रशासकीय अधिकृत अम्बिकाप्रसाद धमलाबाट संयुक्त रुपमा केन्द्रको उद्घाटन भएको हो ।

कार्यक्रममा बोल्दै प्रमुख अतिथि नगर उपप्रमुख वास्तोलाले नगरले वडावासीको स्वास्थ्य सेवाको पहुँच विस्तार गर्ने काममा सक्रियता देखाइरहेको जनाउँदै सवै वडामा यसप्रकारको केन्द्र स्थापना कार्य अघि बढेको बताउनु भयो । सो अवसरमा, प्रमुख प्रशासकीय अधिकृत धमलाका साथै वडा सदस्य अनोज घिमिरे, नगर स्वास्थ्य सहसंयोजक एकराज खत्री, जग्गादातामध्येका दिलबहादुर कार्कीले मन्तव्य व्यक्त गर्नुभयो ।

कार्यवाहक वडाध्यक्ष मैनादेवी फूयँल आचार्यको सभाध्यक्षतामा सम्पन्न कार्यक्रममा १० र ९ नम्वर वडावासीको उपस्थिती रहेको थियो । तत्कालका लागि त्यहाँ २ जना स्वास्थ्यकर्मी खटिएका छन् । स्थानीय दिलबहादुर कार्की र गोपाल कार्कीले जग्गा दान गरेपछि भवन बन्ने काम सुरु भएपनि तत्काललाई त्रिवेणी चोकमा घर भाडामा लिएर आधारभूत स्वास्थ्य केन्द्र सञ्चालन गरिएको हो । कार्की दाजूभाईले आफ्ना बुबा हरिश्चन्द्र कार्कीको स्मृतिमा ३० लाख मुल्य पर्ने २ कठ्ठा जग्गा केन्द्रका लागि दान गर्नुभएको छ ।

सम्बन्धित खवर