आईसोलेसनमै ज्यान गुमाएका बाबुरामको यस्तो थियो श्रीमतीसँगको अन्तिम संवाद - Sainokhabar

आईसोलेसनमै ज्यान गुमाएका बाबुरामको यस्तो थियो श्रीमतीसँगको अन्तिम संवाद

विकाश पराजुली

बुटवल, १६ चैत

वैदेशिक रोजगारीको सिलसिलमा दुबई पुगेका ३७ वर्षीय बावुराम थापा चैत ६ गते सैनामैना नगरपालिका-४ सिसौडाँडास्थित डेरामा आए । उनी काठमाडौंबाट सार्वजनिक यातायातमा चैत ६ गते घर आएका थिए ।

घरमा आउँदा उनलाई सामान्य ज्वरो थियो । ज्वरो आएपछि उनले मुर्गियाको एक फार्मेसीमा चेकअप गराए । रगत पनि जाँच गरे । रगत जाँच गर्दा उनलाई टाईफाईड देखियो । त्यसपछि घरमै बसेर टाईफाईडको औषधि खाए ।

तर, छिमेकीले पुनः स्वास्थ्य चेकजाँच गर्न सुझाव दिए । उनी स्वास्थ्य चौकीमा पुगे । स्वास्थ्य चौकीले होम क्वारेन्टाईनमा बस्न भन्यो । उनी घरमा आएर एक्लै बस्न थाले । औषधि खाइरहेका थिए । तर, पनि शरीर हल्का भएन । फेरि छिमेकीले सुझाए- ‘एकपटक कोरोनाका लागि परीक्षण गर।’

सरकार ! घर जान दिने कि सडकमै मरौँ ?

त्यसपछि उनी विद्युतीय रिक्साको प्रयोग गर्दै बुटवलको धागो कारखानामा रहेको अस्थायी आईसोलेसन अस्पतालमा भर्ना भए ।

त्यहाँ पनि उपचार चलिरहेको थियो । उनले श्रीमती रीता थापा क्षेत्रीसँग फोन सम्पर्क गरिरहेका थिए । उनले श्रीमतीलाई ‘औषधि चलेको छ तर खाना पिरो दिएका छन्’ भन्दै फोनमा भनेका थिए । हिजो मात्रै बावुरामले श्रीमतीलाई फोन गरेर ‘श्वास लिन गाह्रो भएको छ’ भनेर बताएका थिए ।

१८ घण्टासम्म अस्पतालमा भोकै रुँदै बस्यौँ

राति पनि एकपटक बावुरामसँग श्रीमती रीताको फोन भएको थियो । तर, बिहान एक्कासी बावुरामले “अह, अह, अह, अह” को संवाद श्रीमतीसँग बोले । त्यसपछि एम्बुलेन्स रिजर्भ गरेर अस्थायी आईसोलेसन पुगेकी रीताले श्रीमानको “अह, अह, अह” शव्द नै अन्तिम सुन्नुपर्‍यो । अस्पतालले दिउँसो उनको मृत्यु भएको पुष्टि गर्‍यो ।

उनी दुबईबाट ४ गते आएको आशंका गरिएको छ । अस्पतालले उनको स्वाब जाँचका लागि काठमाडौं पठाएको र रिपोर्ट आउन २ दिन लाग्ने बताएको छ । उनको मृत्यु कोरोना हो या अरू केही केही भन्न नसकिने र सबै रिपोर्ट आएपछि मात्र थाहा हुने बुटवल आईसोलेसन अस्पतालका डा. सुर्दशन थापाले बताए ।

छैनन् मर्दाका मलामी, छन् लास तर सुनसान छ आर्यघाट

बावुरामका श्रीमती रीता, ८ वर्षका र ६ वर्षका २ छोरा छन् ।
पाल्पा रिब्दिकोट गाउँपालिका-५ मा स्थायी घर भएका बावुराम सैनामैनामा कोठा भाडामा लिएर बसेका थिए । उनी कृष्णप्रसाद ज्ञवालीको घरमा १ वर्षदेखि बस्दै आएको घरभेटी ज्ञवालीले बताए ।

(घरभेटी ज्ञवालीसँगको कुराकानीमा आधारित)

-शिलापत्र

सम्बन्धित खवर

%d bloggers like this: