आजदेखि याक्थुङ ज्ञान महोत्सब - Sainokhabar
  • बिहिबार, बैशाख २३, २०७८

आजदेखि याक्थुङ ज्ञान महोत्सब

साइनो समचारदाता

काठमाडौं । ‘बौद्धिक ज्ञान आदान–प्रदान र पुस्तान्तरणको लागि’ भन्ने नाराको साथ याक्थुङ युबा मञ्चले महोत्सबको आयोजना आजदेेेखि गर्दैछ ।

जेठ २४ र २५ गते नाचघर, जमल काठमाडौँमा ‘याक्थुङ ज्ञान महोत्सव’ को आयोजना हुनेछ । आयोजकको अनुसार ‘याक्थुङ ज्ञान महोत्सव’ विषयवस्तुहरुको प्रस्तुति, वैचारिक बहस, मन्थन, विषयवस्तुप्रति जागरण र बौद्धिक ज्ञानहरु सुनाउने, बुजाउने, सुन्ने, बुझ्ने कार्यक्रमको सङ्गालो हो । मञ्चका अध्यक्ष भुपेन्द्र खुदाङले लिम्बू समाजको रहनसहन, रीतिरिवाज, धर्म, संस्कृति, कला, साहित्य, सङ्गीत आदि विषयमा प्रस्तुति, छलफल महोत्सबमा गरिने बताएका छन् । महोत्सबको सम्पूर्ण प्रस्तुतिहरुलाई युटयुर्व, सामाजिक सञ्जालहरु, अनलाईनलगायत विभिन्न सञ्चार माध्यमसँग जोड्नुको साथै कार्यक्रमको सम्पूर्ण गतिविधिलाई डकुमेन्टेसन गर्न पुस्तक प्रकाशन बताइएको छ ।

पहिलो दिन उद्घाटनसहित विष्णु सिङ्गकको कथा÷निर्देशनमा रहेको माङ्गेन्ना खमा डकुमेन्ट्री प्रदर्शन, बैरागी काइलाको ‘याक्थुङ मुन्धुम, यसको महत्व’विषयको प्रस्तुति, डा.चौतन्य सुब्बाको याक्थुङ चो?त्लुङको महत्व’ विषयको प्रस्तुति, बालकृृष्ण माबोहाङको उच्च शिक्षा र लिम्बु समुदाय’ विषयको प्रस्तुति, शंकर लिम्बुको ‘भुमि अधिकार र आदिबासी हक अधिकार’ विषयको प्रस्तुति, अमृता थेबेको ‘कस्तो छ ? कस्टमरी ल’ विषयको प्रस्तुति, प्रबिन पन्धाकको लिम्बु महिलाको सहभागिता र पहुँच’ विषयको प्रस्तुति, अमर तुम्याहाङ, येहाङ लावतीको ‘लिम्बु भाषा र साहित्य’ विषयको प्रस्तुति, अमृत योञ्जनको ‘मातृभाषाको संरक्षण कसरी हुन्छ?’ विषयको प्रस्त्ुति, हाङ्युग अज्ञात, बुद्ध छिरिङको ‘पहिचान साहित्य र राजनीतिकमा दार्शनिक सवाल’ विषयको प्रस्तुति पछि प्रश्नोत्तर तथा प्यानल छलफल हुनेछ ।

दोस्रो दिन अर्जुनबाबु माबुहाङको ‘मुन्धुमी, धार्मिक, साँस्कृतिक सम्पदा संरक्षण’ शिर्षकमा प्रस्तुति, भगत सुब्बा, झुमा वनेमको ‘लिम्बु गीत र सङ्गीत’ शीर्षकमा प्रस्तुति, डीबी आङ्बुङको ‘याक्थुङ मुन्धुम र संस्कारले परिकल्पना गरेको याक्थुङ युबा’ शीर्षकमा प्रस्तुति, युग पाठकको ‘पहिचानको आन्दोलन’ शीर्षकमा प्रस्तुति, दिलविक्रम आङदेम्बेको ‘वालुङ शोभाङ्गी क्षेत्र र ऐतिहासिक तथा सास्कृतिक सम्बन्ध’ विषयको प्रस्तुति, डा. डम्बर चेम्जोङको ‘कसरी बन्छ ? सम्बद्ध लिम्बु समाज’ विषयमा प्रस्तुति रहनेछ । बुद्धिजीवि, लेखक, अभियान्ता, कलाकार, अर्थशास्त्री, राजनीतिज्ञ स्रोत व्यक्तिहरु संस्थागत प्रतिनिधि, विद्यार्थी, युवाहरु लगायत सहभागी हुने महोत्सबको सम्पूर्ण तयारी पूरा भएको मञ्चका अध्यक्ष भूपेन्द्र खुदाङले बताएका छन् ।

सम्बन्धित खवर