पूर्वाञ्चल भेट्रान दमक फाइनल प्रबेश - Sainokhabar
  • शुक्रबार, बैशाख २४, २०७८

पूर्वाञ्चल भेट्रान दमक फाइनल प्रबेश

साइनो समचारदाता

सुनवर्षी । मोरङ्गको सुनबर्सी नगरपालिका वडा नं. २ अमरदहमा जारी प्रदेशस्तरीय तेस्रो ढल्के जोवन फुटबल प्रतियोगिता अन्तर्गत बिहिवार सम्पन्न पहिलो सेमिफाईनल खेलमा एपीएफ भेट्रान पकलीलाई ० बिरुद्ध ३ गोल गर्दै पूर्वाञ्चल भेट्रान दमक फाइनल प्रबेश गरेको छ ।

पहिलो हाफमा दमकलाई निकै दवावमा राखेको एपीएफले दोस्रो हाफको सुरुवातीमा फितलो प्रदर्शन गरेपछि हार बेर्हाेनु परेको हो । पूर्वाञ्चलका लागि दोस्रो हाफको ५ औं मिनेटमा बिनोद गुरुङले गोल गर्दै अग्रता लिएको थियो । दोस्रो हाफको सुरुवाती समयमा विपक्षीको डिफेन्स कमजोरीको फाइदा उठाउँदै दमकले ३ गोल गर्न सफल भयो । दोस्रो हाफको ८ औं मिनेटमा हरि सेर्माले दोस्रो गोल गरे । खेलको १७ औं मिनेटमा पाएको मौका सदुपयोग गर्दै सचिन्द्र धिमालले अर्काे गोल थप्दै ३ गोलको अग्रता बनाए ।

खेलको म्यान अफ द म्याच दमकका पहिलो गोलकर्ता बिनोद गुरुङ घोषित हुँदै नगद ५ हजार रुपियाँ र मेडल हात पारे । शुक्रवारको दोस्रो सेमिफाईनल खेल उर्लाबारी भेट्रान र योङ बदर्स भेट्रान इटहरीकाबीच हुने छ । प्रतियोगिता बैशाख २१ देखि जेठ ७ गते सम्म सुनबर्शी नगरपालिका २ अमरदहको बिरेन्द्र सार्वजनीक माविमा संचालन हुदैछ ।

तस्वीरः गोपाल काफ्ले

सम्बन्धित खवर