बन्यो, विराटनगर स्थायी राजधानी - Sainokhabar
  • आइतबार, फागुन १६, २०७७

बन्यो, विराटनगर स्थायी राजधानी


साइनो समचारदाता

विराटनगर । प्रस्तावमा उल्लेखित ‘विराटनगरलाई राजधानी तोकियोस’ भन्ने प्रस्तावमा मत विभाजनका लागि पक्ष र विपक्षमा राखिएको क्रम संख्या सहितको नामावली मध्ये सांसदले पक्षमा रहने सांसदलाई सभामुखको दाहिने लबी र विपक्षमा हुने सांसदलाई देब्रे लबीमा हस्ताक्षर गर्न सभामुख प्रदीपकुमार भण्डारीले आग्रह गरे । झण्डै २० मिनेटसम्म चलेको मत विभाजनबाट प्राप्त परिणाम सुनाउँदै सभामुख भण्डारीले विराटनगरलाई राजधानी तोकियोस् भन्ने प्रस्तावले दुई तिहाई बहुमत प्राप्त गरेको घोषणा गरे ।

प्रदेशसभाका ६ सांसदले राजधानी तोक्ने प्रस्तावमा मतदान गरेनन् । बैठकमा नेपाली कांग्रेसका तर्फबाट प्रतापप्रकाश हाङ्गामले मतदान गरेनन् । उनले विराटनगर राजधानी तोक्ने प्रस्तावको विपक्षमा उभिदै बैठकबाटै बाहिरिएका थिए ।
आइतबार चलेको बैठकमा कांग्रेसका सांसदहरु ज्योती सुब्बा, अगमलाल चौधरी, संघीय समाजवादी फोरमका सांसदहरु रामचन्द्र लिम्बू, राधा थापा र नेकपाका सांसद गणेश काम्बाङ अनुपस्थित रहे ।

सम्बन्धित खवर