मिस धिमालको पहिलो अडिसन - Sainokhabar
  • शनिबार, बैशाख २५, २०७८

मिस धिमालको पहिलो अडिसन


साइनो समचारदाता
विजय धिमाल
उर्लाबारी । मिस धिमाल २०१९ को पहिलो अडिसन शनिवार सम्पन्न भएको छ । मोरङको उर्लाबारीस्थित सेन्टर फेसन हबको हलमा अडिसन भएको पहिलो चरणको अडिसनमा ३५ जना युवतीहरुको सहभागीता रहेको थियो । अडिसनमा मोरङ, झापा, सुनसरी र काठमाण्डौबाट प्रतिस्पर्धीहरु सहभागी भएका थिए ।


अडिसनबाट २५ जना मात्र छनौट भई उनीहरुलाई प्रशिक्षणमा उतारिने आयोजकले जानकारी दिएको छ । छनौट भएका २५ जनालाई माघ ६ गतेदेखि प्रशिक्षण दिइने संयोजकले जानकारी गराए । धिमाल जातीय विकास केन्द्रको भातृ संगठन धिमाल विद्यार्थी मञ्चको आयोजनामा धिमाल समुदायमा रहेका युवा तथा युवतीहरुको व्यक्तित्व विकास तथा क्षमता अभिबृद्धिसंगै जातीय कला, भाषा, संस्कृति, पहिचानको सम्मान गरी आफ्नो समुदायलाई अघि बढाउने हेतुले मिस धिमाल कार्यक्रम आयोजना गर्न लागिएको कार्यक्रमका सचिव मणिराज धिमालले बताए ।

सम्बन्धित खवर