राष्ट्रिय सभा निर्वाचनको मतदान सुरु - Sainokhabar

राष्ट्रिय सभा निर्वाचनको मतदान सुरु

साइनो समाचारदाता

विराटनगर । राष्ट्रिय सभा सदस्यको निर्वाचन विहान १० वजेदेखि सुरु भएको छ । कूल सदस्य मध्ये १८ पदका लागि भएको निर्वाचन ५ वजेसम्म जारी रहनेछ । त्यसपछि लगत्तै मतगणना हुनेछ ।

प्रदेश नम्बर १ को लागि मोरङको विराटनगर महानगरपालिका स्थित वीरेन्द्र सभागृहलाई मतदान स्थल तोकेको छ । अहिले धमाधम मतदान भइरहेको छ । प्रदेशसभा सदस्यतर्फ ९३ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २८४ गरी जम्मा ३६७ जना मतदाताले विराटनगरमा मत हाल्नेछन् ।

प्रदेश नम्बर २ मा पनि मतदान भैरहेको छ । धनुषाको जनकपुर उपमहानगरपालिका स्थित महेन्द्रनारायण स्मृति भवनमा प्रदेश सभा सदस्यतर्फ १०७ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २७२ गरी जम्मा ३७९ जनाले मत हाल्ने व्यवस्था गरिएको छ ।
बाग्मती प्रदेशको ललितपुर महानगरपालिकामा मतदान केन्द्र तोकिएको छ । सो केन्द्रमा प्रदेश नम्बर ३ को प्रदेशसभा सदस्यतर्फ ११० र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २३८ गरी जम्मा ३४८ जना मतदाता गर्नेछन् ।

गण्डकी प्रदेशको कास्कीको निर्वाचन कार्यालय पोखरामा मतदान भइरहेको छ । केन्द्रमा प्रदेशसभा सदस्यतर्फ ६० र स्थानीय तहतर्फ अध्यक्ष, उपाध्यक्ष, प्रमुख र उपप्रमुख १७० गरी जम्मा २३० जना मतदाता रहेका छन् ।

साथै प्रदेश नम्बर ५ को दाङको घोराही उपमहानगरपालिकाको कर्मचारी मिलन केन्द्रको भवन मतदानस्थल तोकिएको छ । प्रदेशसभा सदस्यतर्फ ८७ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख २१८ गरी जम्मा ३०५ जना मतदाता सो केन्द्रमा मत हाल्ने क्रम जारी छ । कर्णाली प्रदेशको सुर्खेतको जिल्ला निर्वाचन कार्यालय परिसरको भवन धमाधम भइरहेको छ । प्रदेशसभा सदस्यतर्फ ४० र स्थानीय तहतर्फ अध्यक्ष, उपाध्यक्ष, प्रमुख र उपप्रमुख १५८ गरी जम्मा १९८ जना मतदाताले सो केन्द्रमा मतदान गर्ने व्यवस्था मिलाइएको छ ।

आयोगले सुदूरपश्चिम प्रदेशमा डोटीको सिलगढी नगरपालिकाको पद्म पब्लिकमुक्ति नारायण उच्च मावि मतदानस्थल तोकिदिएको छ । केन्द्रमा प्रदेशसभा सदस्यतर्फ ५३ र स्थानीय तहतर्फ अध्यक्ष, उपाध्यक्ष, प्रमुख र उपप्रमुख १७६ गरी जम्मा २२९ जना मतदाताले मतदान गर्दैछन् । सातवटा प्रदेशमा प्रदेशसभा सदस्यतर्फका ५५० र स्थानीय तहतर्फका अध्यक्ष, उपाध्यक्ष तथा प्रमुख र उपप्रमुख १ हजार ५ सय ६ गरी कूल जम्मा २ हजार ५६ जना मतदाता रहेको निर्वाचन आयोगद्वारा जारी विज्ञप्तीमा लेखिएको छ ।

चुनाबमा नेपाल कम्युनिष्ट पार्टी (नेकपा)का १६, नेपाली काँग्रेसका १६, समाजवादी पार्टीका ७, राष्ट्रिय जनता पार्टी नेपालका २, नेपाल मजदूर किसान पार्टीका २ र राष्ट्रिय जनमोर्चा पार्टीका २ जना गरी जम्मा ४५ जना उम्मेदवारले निर्वाचनमा भाग लिएका छन् । आयोगका सहसचिव एवं प्रवक्ता राजकुमार श्रेष्ठले सातवटा प्रदेशमा महिला समूहतर्फ ७, दलित समूहतर्फ २, अपाङ्गता भएका व्यक्ति वा अल्पसंख्यक समुदाय समूहतर्फ २ र अन्य समूहतर्फ ७ गरी जम्मा १८ रिक्त पदका लागि महिला समूहतर्फ १६, दलित समूहतर्फ ५, अपाङ्गता भएको व्यक्ति वा अल्पसंख्यक समुदाय समूहतर्फ ५ र अन्य समूहतर्फ १९ गरी कूल ४५ जना उम्मेदवार रहेको जनाए ।

सम्बन्धित खवर

%d bloggers like this: